Carmen Granxeiro visitará o club de lectura Entre Liñas
![presentacion carmen granxeiro](https://terrachaxa.com/wp-content/uploads/2022/12/presentacion-carmen-granxeiro.jpg)
O club de lectura Entre Liñas da Pastoriza segue coas xuntanzas vinculadas á lectura e nesta ocasión, Carmen Granxeito visitará o club.
Será hoxe sábado, ás 20.30 horas no Fogar de Maeloc, para recibir á escritora de Estranxeiras, segundo premio Pinto e Maragota pola diversidade de sexo e xénero.
Nesta obra, a condutora da Kawasaki negra chega a Santa Mariña de Augas Novas sen intención de ficar, inmersa nunha fuxida que a fixo abandonar Berlín ás présas e levando consigo pouco máis que o portátil e unhas mudas. A menos de dous quilómetros, noutro punto da aldea, Maruxa recibe a súa neta Mara e a crianza desta que, coa intención de pasar o verán na casa familiar, descargan algunhas maletas e non esquecen o libro das fadas.
Arredor da oposición veciñal a un proxecto urbanístico preto do río, un amplo elenco de personaxes vese fiado por un rural que se debate entre a desaparición e a renacenza.
Carmen P.G. Granxeiro constrúe en Estranxeiras un relato de esperanza no cal a realidade queer, as transicións e a historia colectiva conviven nun podcast, en múltiples vidas e nalgunhas mortes.
Esta actividade é aberta para todo o público que queira asistir e tamén está aberta a participación no club de lectura.
![presentacion carmen granxeiro interior](https://terrachaxa.com/wp-content/uploads/thumbs/2022/12/presentacion-carmen-granxeiro-interior-200x167.jpg)