Castelo, en Outeiro de Rei, prepárase para as festas esta fin de semana
As veciñas e veciños de Castelo, no concello de Outeiro de Rei, prepáranse para vivir un ano máis as súas grandes festas na honra a San Salvador, que se celebrarán os días 30 e 31 de agosto e o 28 de setembro de 2025. O programa arrincará o sábado 30 cunha misa solemne ás 13:30 horas, seguida dunha sesión vermú a cargo do grupo Ritmo, que tamén será o encargado de animar a verbena da noite xunto co DJ Casanova, garantindo unha primeira xornada chea de música e ambiente festivo.
O domingo 31 volverá repetirse a misa solemne ás 13:30 horas, para dar paso a unha longa sesión vermú amenizada polo grupo Punto Clave, que será o protagonista musical do día.
As celebracións retomaranse o 28 de setembro, cunha xornada especialmente pensada para a convivencia, que incluirá unha gran comida veciñal acompañada de sesión vermú e unha sesión de tarde animada coa discoteca móbil Patakiña, poñendo o broche final a unhas festas que prometen reunir a veciñanza e visitantes ao redor da música, a tradición e a boa compañía.