Castro de Rei acolle o día 11 de maio o Día da Xuventude

Castro de Rei participará na celebración da segunda edición do Día da Xuventude, no que haberá actividades diversas que buscan a participación activa da mocidade.

Castro de Rei participará na celebración da segunda edición do Día da Xuventude, no que haberá actividades diversas que buscan a participación activa da mocidade.

Así, están previstos obradoiros de gastronomía saudable, habilidades para a empregabilidade, sensibilización medioambiental, igualdade de xénero, arte urbana, actividades de lecer educativo como fútbol burbulla, futbolín humano, tiro con arco, lego e escape box. Completarase a programación coa actuación musical dalgún artista local ao finalizar a xornada.

Será o sábado 11 de maio na praza Maior de Castro de Rei en horario de tarde. Está dirixido principalmente para a mocidade entre 12 e 35 anos.