Castro Ribeiras de Lea e Castro de Rei preparan as festas
![FESTAS CASTRO RIBEIRAS DE LEA PORTADA](https://terrachaxa.com/wp-content/uploads/2022/07/FESTAS-CASTRO-RIBEIRAS-DE-LEA-PORTADA.jpg)
Castro Ribeiras de Lea prepara xa as súas festas patronais que volverán á normalidade tras dous anos sen festexos trala incidencia da covid.
Como sempre, estas terán lugar a primeira fin de semana de agosto, que nesta ocasión corresponden aos días 5, 6, 7, e 8.
Novamente a localidade contará con algunhas das orquestras máis destacadas do panorama musical. Abrirá o venres coa actuación de Furia Joven, de Canarias e DJ David Expósito de Radio Líder.
O sábado será a vez das orquestras Miramar e Trébol deixando para o domingo a actuación de Panorama xunto á orquestra Stereo Music-Show.
Pechará a programación musical Alabama Show e Combo Dominicano o luns.
A estas sumaranse outras actividades que a comisión irá desgranando ao longo do mes, como o pregón, que estará ao cargo do periodista Xoán Carlos Vidal, o domingo ás 14.30 horas, despois da misa e a procesión.
CASTRO DE REI
Tamén está lista a programación das festas de Castro de Rei, na honra de San Xoán, que terán lugar a partir do 15.
A programación comezará o venres cunha chrurrascada popular amenizada polo dúo Os Adrianos, que arrancará ás 22.30 horas.
O sábado destará a actuación de M3 en dobre sesión á que se sumará á noite de novo Os Adrianos. O domingo haberá tamén dobre cita musical coa orquestra Galaxia nas dúas ocasións.
Tanto sábado como domingo haberá misa solemne seguida de procesión ás 13.30 horas.