CCOO e UGT demandan á Xunta unha negociación sobre a RPT do Consorcio Galego de Igualdade
![consorcio](https://terrachaxa.com/wp-content/uploads/2019/02/consorcio.jpeg)
Comisións Obreiras (CCOO) e UGT entregaron na Xunta de Galicia 600 sinaturas para esixir a negociación da relación de postos de traballo (RPT) do Consorcio Galego de Igualdade e Benestar. Asemade, ducias de traballadoras e traballadoras concentrábanse diante da sede do organismo, no edificio administrativo de San Lázaro, en Santiago de Compostela. Alí corearon diversas consignas esixindo a dimisión do xerente do Consorcio, a quen culpan da situación.
Os sindicatos lembran que, tras o acordo de integración do persoal do Consorcio no ámbito do convenio único da Xunta, é preceptiva a elaboración desta RPT. Así mesmo, as listaxes de espera tamén se deben integrar nas listaxes reguladas polo decreto 37/2006 da Xunta de Galicia.
Desde o sector da Autonómica de CCOO coidan necesario a remuda na Xerencia do Consorcio para conseguir que haxa unha xestión de persoal «transparente, eficaz e resolutiva».