Cervo abre o período de solicitude de praza da escola infantil municipal
![tenisdemesa_primera jornada](https://terrachaxa.com/wp-content/uploads/2018/09/tenisdemesa_primera-jornada.jpg)
O Concello de Cervo abre mañá mércores, 29 de xullo, o prazo de presentación de solicitudes de renovación de praza e novo ingreso da Escola Infantil municipal, sita no edificio da Casa do Mar, en San Cibrao.
As familias interesadas teñen ata o 19 de agosto para formalizar a inscrición no Rexistro Xeral do Concello en horario de oficina. Os impresos estarán tamén dispoñibles na Casa da Cultura e na Casa do Concello.
A edil de Educación, Dolores García Caramés, recorda que o centro conta na actualidade con 54 prazas, logo da ampliación realizada recentemente; e precisa que desde este departamento en coordinación co cadro de persoal “estamos xa a traballar nos protocolos de prevención do COVID-19 que se aplicarán no vindeiro curso para garantir a seguridade dos nenos e das nenas e do persoal docente; e apunta que as familias serán informadas puntualmente dos procedementos a seguir e das medidas a tomar.