Charli recunca e faise coa vitoria no aberto de billarda de San Miguel
![Billarda 6 xornada San Miguel Reinante 20221](https://terrachaxa.com/wp-content/uploads/2022/03/Billarda-6-xornada-San-Miguel-Reinante-20221.jpg)
Non cabe dúbida que xogar en sábado caelle moi ben a zuda d’ouro da LNB, así, en San Miguel o Yul Brynner dos Carabullo conseguiu unha xornada case perfecta e corouse campión do aberto de Flores e de San Rosendo e daquela puido lucir ao rededor do seu colo a mais grande ristra de chourizos da tarde.
Desta volta a serpe multicolor da LNB estivo composta por sesenta e oito palanadores (51 homes, 14 donas e 3 cativos), que repartidos por sorteo en oito grupos, loitaron por acadar os meiores postos na clasificación deste aberto.
A xornada resultou moi dificultosa para a gran maioría dos palanadores que impotentes, podían sentir como o vento sopraba a vento e facía bailar as billardas no aire e as apartaba do seu natural e desexado percorrido cara o varal.
Voltando o xogo dicir que malia os atrancos pra dirixir ben as billarda, dous palanadores houberon de xogar un desempate para o segundo e terceiro posto absoluto e quedaron a so un punto do campión.
Os tales foron Manu Pozo, de Billardeiros Musicais de Ribadeo, e Juan Carlos, Campo da Feira de Paiosaco. O ribadense cedeu na primeira carreira, pero soupo remontar e facerse co segundo caixon do podio.
En donas, a mellor foi outro carabullo, Irea, seguida de Geni e de Aroa, as dúas de Billardeiros Musicais; e para rematar a carabullada gañaron por equipos por diante de Troitas Bravas e Billardeiros Musicais.
En infantís, Aroa segue en boa xeira e mantén unha regularidade increscendo xornada a xornada, seguírona Diego e Mateu, os dous de Madia leva de Lugo.
Rematada a xornada, gardouse un minuto de silencio en recordo de Mario Rodríguez, presidente de Xogos tradicionais de Compostela, e de Suso Coedo.
Acto seguido o seleccionador Manolo Flores ou Manolo Cadramón, xefe do Servicio Deportes Xunta de Galicia, e de dúas representantes da comisión de festas de San Rosendo, fixeron entrega de trofeos e agasallos os gañadores do aberto.
A vindeira proba billardeira será o domingo 20 de marzo en Begonte.
As clasificacións quedan asi:
Individual:
Manu Pozo (Billardeiros Musicais) 116 p.
David Navallo (Troitas Bravas) 112 p.
Sachasi (Troitas Bravas) 111 p.
Donas:
Aroa (Billardieors Musicais) 85 p.
Irea (Carabullo) 68 p.
Geni (Billardieors Musicais) 53 p.
Equipos:
Carabullo 464 p.
Troitas Bravas (A Pontenova) 455 p.
Billardeiros Musicais (Ribadeo) 453 p.