Chega a quinta edición do Festival Cultural Pozomouro de Muimenta
Tralo éxito das catro primeiras edicións, o sábado 23 terá lugar a quinta edición do festival Pozomouro, organizado pola Asociación Cultural Avelino Iglesias Alvariño na área recreativa Ribas do Miño, en Muimenta.
A celebración comeza todos os anos con música dende media mañá e as actividades complétanse cunha romaría popular na que os participantes deberán achegar o seu xantar.
Así entre as actividades previstas, haberá un obradoiro de danza na natureza con Eva Quiroga e unha ruta á beira do Miño con Daniel e Kiko, actos que culminarán coa regulamentaria sesión vermú a cargo de Xenderal.
Terá lugar tamén unha narración oral con Vero Rilo, un Pozo Hulahoop con Nelly, Pozo Musical con Xenderal, así como o Pozo Ilustrado con Sonao. A maiores, contarase coa presenza dun Pozo Aromas con Zaida e Ana e un Pozo Miúdo coa Chintofanería
Os protagonistas deste ano serán Prieto Picado, Xenderal, Igmig, Los Justicieros, Luama Son Sistema, Bass Dealer e Pintega.
A organización lembra que haberá zona de acampada de balde para os que o desexen e un mercadiño cultural.
CONSULTA O PROGRAMA NESTE ENLACE
