Chega ás Pontes Pres de Cambria, un concerto para aprender a escoitar un libro

Será ás 19.00 horas do mércores na Casa Dopeso

Dentro da programación cultural do Concello das Pontes, chega á vila este mércores, 16 de outubro, unha nova actividade do grupo Pres de Cambrai, que ensinará aos asistentes a escoitar un libro.

Cun formato ameno charla-concerto, a actividade ten por fin tanto o fomento da lectura a través da música como a escoita da música a través dos libros. Aprende a escoitar un libro achegará algúns elementos útiles para a descuberta do rico universo musical agochado nas obras da literatura universal, con especial atención á literatura galega, obras que forman parte dos fondos de calquera biblioteca e agardan a seren “escoitados”.

O concerto terá lugar ás 19.00 horas na Casa Dopeso como unha actividade da Rede Cultural da Deputación da Coruña.