Cinco actividades para anotarse no Espazo Xove de Vilalba

O Espazo Xove de Vilalba informa de que xa está aberto o período de inscrición nas cinco actividades que ofrece para o novo curso.

O Espazo Xove de Vilalba, dependente da Consellería de Política Social, ten aberto o prazo de inscrición nas cinco actividades que ofrece para o novo curso.

Nesta ocasión, ás propostas xa tradicionais de pintura, debuxo ou xadrez únense outras máis vinculadas coas novas tecnoloxías, como un taller de manexo de drons e un curso de edición de vídeos.

As persoas interesadas poden informarse, en horario de tarde, no propio Espazo Xove ou chamando ao 982.82.02.58. As prazas son limitadas.