Cine na rúa e concerto este venres en Meira
Continúa a programación de ocio en Meira cun venres con dobre sesión de cine na rúa e concerto.
O programa de Cine na Rúa en Meira cunha nova proxección, ás 22.00 horas, na praza do Convento proxectarase Cuñados, un dos filmes máis vistos nos cines galegos durante o 2021 e que tamén foi nomeada a 16 premios Mestre Mateo da Academia Galega do Audiovisual.
Eduardo e o seu cuñado Sabonis acaban de meter a pata nun dos seus negocios e precisan cartos. Moitos cartos. Será Sabonis quen lle atope a solución ao problema secuestrando a Modesto, cuñado de Alicia Zamora, a empresaria que os enganou e os deixou tirados. Só hai un pequeno problema: Alicia non pensa pagar un peso polo seu cuñado. Mais é o propio Modesto quen urde un novo plan co que Eduardo e Sabonis poderán salvar a adega familiar.
Esta proxección está organizada pola asociación cultural M de Meira.
CONCERTO
A programación de lecer do apartado Venres Musiciais tamén continúa. Así, mañá, venres 19 de agosto, haberá un concerto de Nove Ferreñas.
A sesión terá lugar a partir das 20.30 horas na praza do Concello. Está aberta a toda a poboación e en caso de mal tempo trasladarase á igrexa.
O concerto foi organizado polo Concello de Meira.
