Codesido celebra este sábado a Festa da Xuventude

Contará coa música de Merengue e Marbella e un xantar popular

A localidade vilalbesa de Codesido celebrará a Festa da Xuventude este sábado, 12 de outubro.

A sesión arrincará ás 13.30 horas coa misa solemne seguida de procesión e posterior sesión vermú que estará a cargo do trío Merengue.

A continuación, terá lugar o xantar, que contará no menú con xamón cocido, polbo, churrasco mixto, café, chopo e bebida.

Pola noite haberá verbena co trío Merengue e a orquestra Marbella.