Codesido celebra os Remedios cunha festa esta fin de semana

As celebracións darán comezo o sábado 14, ás 13.30 horas cunha misa solemne

A parroquia de Codesido, en Vilalba, organiza esta fin de semana as súas festas na honra á Virxe dos Remedios.

As celebracións darán comezo o sábado 14, ás 13.30 horas cunha misa solemne seguida de procesión e sesión vermú a cargo da orquestra Alabama.

Repetirá esta na verbena, na que estará acompañada polo trío Banarama.

O domingo, ás 13.30 horas continuarán os oficios relixiosos para pechar as festas coa sesión vermú a cargo de novo de Banarama.

A organización lembra que o campo da festa estará cuberto con carpa.