Coloquio sobre relacións saudables na adolescencia no soto da Casa Dopeso
O programa Espazo en Familia organiza unha sesión formativa baixo o título Relacións saudables na adolescencia: prevención da violencia na parella. O evento terá lugar o luns 24 de marzo ás 18:00 horas no soto da Casa Dopeso.
Cada vez máis estudos e profesionais advirten de que a violencia, o control e a manipulación son condutas frecuentes nas relacións adolescentes. Nesta sesión ofreceranse consellos para detectar e previr estas dinámicas nocivas, que deixan unha forte pegada física e emocional na mocidade. Ademais, achegaranse estratexias para fomentar relacións baseadas na igualdade e o respecto dende a adolescencia.
A inscrición pode realizarse a través do código QR dispoñible no cartel do evento ou presencialmente no Departamento de Servizos Sociais (2º andar da Casa Dopeso). Para máis información, está dispoñible o correo electrónico espazoenfamilia@gmail.com ou o teléfono 606 706 088.
A actividade é de acceso libre ata completar aforo.