Comeza a degustación das trece tapas do sexto concurso de Begonte
Son trece os establecementos hostaleiros participantes na sexta edición do Concurso de Tapas de Begonte que se desenvolverá entre o venres 27 e o domingo 5 de novembro co obxectivo de repetir o éxito das pasadas edicións.
A cita obrigada para os veciños e veciñas do municipio e tamén dos arredores desenvolverase tódolos días entre as oito do serán e as once da noite -e durante as fins de semana tamén entre a unha do mediodía e as tres da tarde- cun prezo da tapa esablecido en 1,80 euros.
As persoas participantes que completen o percorrido e outorguen a súa votación -dende un 1 a un 5- entrarán no sorteo dunha fin de semana no Hotel de Natureza Santa Ana para dúas persoas.
Establecementos participantes:
- Km 101
- Bar Cereixo
- Casa Varela
- Casa Carteiro
- A Cantina
- Madia Leva
- Casa Pichín
- Paz y Ana
- A Rotonda
- Ruta Esmeralda
- Café Bar Sara
- A Taberna do Labrego
- Restaurante Galicia