Comeza en Guitiriz o campus de verán da USC Xeodiversidade e paisaxe
Hoxe da comezo en Guitiriz o campus de verán da USC sobre Xeodiversidade e paisaxe, que se desenvolverá ata o 9 de xullo na Casa Habanera e que constitúe a décimo terceira edición dos seminarios de verán sobre a paisaxe que desenvolve a universidade no municipio.
Os obxectivos deste curso, para o que era necesario unha inscrición previa, son observar pluridisciplinarmente as moi diversas relacións enre a xeodiversidade e a paisaxe, con relatorios referidos á xeoloxía, xeoturismo, termalismo, cultura da pedra, así como a percepción artística, ao medio ambiente e a didáctica xeolóxica.
Ademais dos diferentes relatorios que se levarán a cabo durante as tres xornadas tamén haberá proxeccións audiovisuais relacionadas coa temática, un roteiro polo concello titulado Guitiriz: Pedra, Auga e Astronomía e unha exposición fotográfica baixo o nome de Litoloxía.
O director deste seminario é Roxelio Pérez Moreira e a secretaria María Julia Melgar Riol.
