Comezan as obras de instalación dun ascensor na Casa Consistorial meirense
![IMG 20190307 WA0002](https://terrachaxa.com/wp-content/uploads/2019/03/IMG-20190307-WA0002-e1551956064728.jpg)
O Concello de Meira segue na súa liña de mellorar a accesibilidade no propio edificio consistorial. Así, está preparando o oco para un ascensor adaptado e homologado, ademais de levar as ramplas de acceso ao mesmo.
Aínda que o Concello meirego forma parte do que fora un monasterio medieval, estanse a respetar os materiais e as zonas. Así o Concello destinou unha partida de 70.000 euros para este proxecto, no que ademais entra a reubicación da oficina de turismo, que estaba ubicada na praza do Convento e agora estará na parte frontal do consistorio.
Tamén, dende o Concello comunican que queren instalar en Meira a oficina comarcal de Correos que beneficiará a todos os veciños da contorna, ademais de ser unha reivindicación dos comerciantes e empresarios da zona, xa que a oficna actual ten un horario moi reducido que é de luns a venres ata ás 11 da mañá.
AUTOCARAVANAS
Ademais co fin de atraer a máis turismo, están a crear unha área de autocarvanas nunha leira de titularidade municipal situada en fronte da residencia de maiores financiada co Plan Único 2018.