Concello de Pastoriza lanza a Volante Rookies Cup 2026 para novos talentos do motor
O Concello de Pastoriza presenta o proxecto Volante Rookies Cup Pastoriza 2026, que terá lugar este domingo, 15 de marzo, unha iniciativa orientada a descubrir novos talentos e achegar o deporte do motor aos máis pequenos.
Deste proceso sairán catro pequenos pilotos de Pastoriza que participarán nas probas do Campionato Galego de Karting 2026. Os interesados deben realizar a preinscrición enviando un WhatsApp ao 628 867 959, contactando con Ernesto.
O programa, que arrancará o domingo ás 10.30 horas no circuíto, destaca por ser divertido, formativo e sen presión competitiva, co obxectivo de fomentar o deporte base na comunidade. Está dirixido a nenos e nenas nados entre 2019 e 2021.
O proxecto pretende non só descubrir novos talentos, senón tamén fomentar valores como a disciplina, o compañeirismo e o interese polo deporte desde idades temperás.
O custo de cada carreira será asumido integramente polo Concello de Pastoriza en colaboración con PTC Escuela, garantindo que os nenos e nenas poidan competir sen preocuparse dos gastos.