Concentración das traballadoras e traballadores do SAF en Vilalba
![traballadoras saf vilalba concentracion](https://terrachaxa.com/wp-content/uploads/2022/06/traballadoras-saf-vilalba-concentracion.jpg)
O Bloque Nacionalista Galego apoiou ás traballadoras e traballadores do Servizo de Axuda no Fogar de Vilalba na concentración covocada pola hoxe pola CIG-Servizos. Participou a deputada por Lugo no Parlamento galego, Carme Aira, xunto con militantes e simpatizantes da organziación na localidade.
As traballadoras e traballadores do SAF reclaman unha subida salarial dun 6,5% correspondente co IPC do 2021, dereito recoñecido no seu convenio sectorial. Por isto, demandan ás administracións que teñen externalizado este servizo a que defendan os seus dereitos e obriguen ás empresas adxudicatias a cumprir esta regra.
De igual xeito, tamén reclaman a negociación dun novo convenio colectivo, xa que leva más de 12 anos sen actualizar.
A deputada Carme Aira declarou “hai que rachar coas condicións de precariedade deste servizo, é de xustiza que se recoñeza o 6,5 % de incremento salarial que recolle o seu convenio”.
Neste senso, a deptuada sinalou “debemos pór en valor o traballo que desenvolven estas traballadoras e traballadores, xa que son fundamentais nunha sociedade onde os coidados deben ser o centro das políticas en benestar”.