Concerto de contrabaixos este venres nas Pontes
A Casa Dopeso, nas Pontes de García Rodríguez, acollerá este venres 14 de febreiro, ás 20:30 horas, o concerto do ensemble de contrabaixos EnContra, un grupo dinámico nacido no 2022 no Conservatorio Superior de Música de Castela e León (COSCYL).
Este proxecto busca explorar as posibilidades artísticas e sonoras do contrabaixo, achegando o seu repertorio a públicos de todas as idades. A formación está composta por Nicolás García Galaz (Burgos, 2002), Jessica Paz Caneda (Santiago de Compostela, 2002), José María Revuelta Joglar (San Román de Cayón, Cantabria, 2001) e Antonio Romero Cienfuegos (A Coruña, 1990).
O repertorio incluirá pezas emblemáticas como Amazing Grace, Esperanza de Antonio Machín, Bésame Mucho de C. Velázquez, Yesterday de The Beatles e In the Mood de G. Miller, entre outras composicións.