Concerto de frauta traveseira este xoves nas Pontes

A sesión terá lugar ás 20.00 horas na Casa Dopeso a cargo de Clara Burgos

Dentro do programa Dinamizartj As Pontes contará este xoves, 17 de outubro, cun recital de frauta traveseira na que se inclúen pezas desde o barroco ata a música máis actual e contemporánea.

A sesión terá lugar ás 20.00 horas na Casa Dopeso a cargo de Clara Burgos.

Esta actividade ponse en marcha co apoio do Instituto para a Transición Xusta e a Fundación Ciudad de la Energía (CIUDEN) coa que se pretende xerar unha oferta cultural ampla nos municipios afectados polo proceso de peche de instalacións en zonas de Transición Xusta.