Concerto de Primavera da Escola de Música Municipal de Meira

O evento, organizado polo Concello de Meira, contará coa participación do alumnado da escola de música

Este sábado, 12 de abril, ás 21:00 horas, terá lugar o tradicional Concerto de Primavera da Escola de Música Municipal de Meira, que se celebrará no Centro Socio Cultural de Meira.

O evento, organizado polo Concello de Meira, contará coa participación do alumnado da escola e será unha oportunidade perfecta para gozar dunha noite de música e talento local. Esta cita anual é xa un referente no calendario cultural do municipio e representa unha mostra do traballo desenvolvido ao longo do curso polos estudantes e profesorado do centro.

A entrada é libre ata completar aforo. Desde o Concello anímase a toda a veciñanza a asistir e apoiar esta iniciativa cultural.