Condes prepárase para a súa gran cea de Entroido
LugoXa | TerraChaXa
A organización do evento corre a cargo da Asociación Cultural Recreativa de San Martiño de Condes
8 Feb 2025
O vindeiro 22 de febreiro, a parroquia de Condes celebrará a súa tradicional cea de entroido no local social. O evento comezará ás 21:30 horas e contará coa actuación musical do dúo Trasnos, que animará a noite cun repertorio festivo.
O prezo por persoa será de 20 euros para socios e 23 euros para non socios. As persoas interesadas en asistir deberán anotarse antes do 16 de febreiro de 2025.
A organización do evento corre a cargo da Asociación Cultural Recreativa de San Martiño de Condes, que dispuxo varios contactos para facilitar a inscrición dos participantes.