Conferencia de Miro Villar en Vilalba sobre Florencio Delgado
O Instituto de Estudos Chairegos (Iescha), dentro dos actos programados co gallo das Letras Galegas’2022, organiza a conferencia que leva por título Florencio Delgado Gurriarán, poesía desde o exilio en México, que será impartida por Miro Villar, doutor en Teoría da Literatura e Literatura Comparada pola facultade de Filoloxía da Universidade de Santiago de Compostela (USC).
O acto terá lugar o venres 6 de maio de 2022, ás 20:00 horas, na Casa da Cultura de Vilalba, e será presentado por Marisa Barreiro, presidenta do Iescha.
A entrada será libre ata completar aforo, coas medidas sanitarias estipuladas.
Miro Villar é doutor en Teoría da Literatura e Literatura Comparada pola facultade de Filoloxía da Universidade de Santiago de Compostela (USC) coa Tese de Doutoramento titulada A poesía galega de Antón Zapata García. Edición e Estudo, dirixida por Xesús Alonso Montero; que foi lida e defendida o 25 de febreiro de 2008, obtendo o grao de doutor coa cualificación de Sobresaliente Cum Laude.
Licenciado en Filoloxía Hipánica na especialidade de Galego-Portugués pola Universidade de Santiago de Compostela en xuño de 1995, realizou o curso de Aptitude Pedagóxica (CAP) no curso 1995-96 na Universidade de Santiago cunha duración total de 300 horas, 150 do Ciclo Teórico e 150 do Ciclo Práctico.
Autor da Memoria de Licenciatura A poesía galega de Xervasio Paz Lestón. Edición e estudo, dirixida por Xesús Alonso Montero; que foi lida e defendida o 29 de xullo de 1997, obtendo o grao de Licenciado coa cualificación de Sobresaliente. Bolsa de investigación da Universidade de Santiago para traballar no proxecto Atlas lingüístico galego e outros traballos de Filoloxía Galega, dirixido por Antón Santamarina, do Instituto da Lingua Galega, desde o 1-5-94 ata o 31- 10-94. Ten publicadas obras de poesía, narrativa, ensaio, tradución…, conseguido unha gran cantidade de premios e distincións.