Rural

O obxectivo é que a localidade acolla cada mes unha nova cita coa tradición, o comercio local e a gastronomía

Outeiro de Rei celebra este próximo sábado, 11 de abril, a súa feira mensual, despois da súa estrea no mes de marzo.

O obxectivo é que a localidade acolla cada mes unha nova cita coa tradición, o comercio local e a gastronomía coa celebración da Feira Mensual de Outeiro de Rei, un evento pensado para reunir veciñanza e visitantes arredor dun ambiente festivo e familiar.

A feira ten lugar os segundos sábados de cada mes, na praza e na rúa do concello.
A organización corre a cargo da Asociación de Veciños de Santa Isabel, coa colaboración do Concello de Outeiro de Rei.

O concello anima a toda a cidadanía a achegarse e participar nesta feira, que cada mes ofrecerá unha nova oportunidade para gozar do ambiente, dos produtos locais e da gastronomía en familia.