Continúan os mércores de cine en Meira
![live is life cine meira portada](https://terrachaxa.com/wp-content/uploads/2023/08/live-is-life-cine-meira-portada.jpg)
Este mércores, 30 de agosto, continúa en Meira o ciclo de cinema Mestre Mateo. Está organizado pola Academia Galega do Audiovisual e máis a Deputación de Lugo.
A Asociación cultural M de Meira, xunto co Concello de Meira, colaboran poñendo os medios para que se poida ver no concello e seguirán as proxección mañá co filme Live is life, documental do director Dani de la Torre.
Verán de 1985. Como cada ano, Rodri deixa Cataluña e volta á aldea galega dos seus pais para reencontrarse coa súa panda. Pola contra, este ano é distinto para él e os seus amigos. Os problemas do mundo real comezan aparecer nas súas vidas ameazando con separalos.
Aferrándose á amizade que os une, os cinco amigos planean escapar a noite de San Xoán na busca dunha flor máxica que, segundo conta a lenda, medra no alto dunha montaña e pode facer os deseos realidade.
Este filme foi nominado ao Mestre Mateo ao Mellor Documental.
As proxeccións, que son ás 22.00 horas na casa da cultura baixo o título Mércores de Cine, continuarán o próximo mércores na localidade.
![live is life cine meira](https://terrachaxa.com/wp-content/uploads/thumbs/2023/08/live-is-life-cine-meira-200x282.jpg)