Actualidade

Continúan os traballos de mellora nos camiños forestais do Concello de Foz, grazas ao aporte de maquinaria da Deputación de Lugo.

Despois de San Acisclo, San Martiño, Vilaronte e Santa Cilla, agora procederon a arranxar viais na parroquia de Cangas.

Ademais, proseguen os traballos na nova condución de abastecemento Vigo-Mañente, na parroquia de Vilaronte, que é unha obra necesaria, polas continuas roturas na antiga tubaxe.