Convocada a novena edición da carreira popular de Friol
![carreira popular de friol IX portada](https://terrachaxa.com/wp-content/uploads/2023/03/carreira-popular-de-friol-IX-portada.jpg)
A novena edición da carreira popular de Friol regresa este mes de abril, concretamente o sábado 22.
Esta nova edición da carreira popular en Friol terá saída na Praza de España (diante do Concello). Haberá dúas categorías: a de menores que comezará ás 17:15 horas para seis categorías diferentes (100, 300, 700, 1400 metros); e a absoluta, que terá como hora de inicio ás 18:00 horas, cuxo recorrido será de cinco quilómetros para a categorías xuvenil, adultos e máster.
A saída está prevista na Praza de España, avenida de Lugo, ao pasar a gasolineira, estrada dirección Ousá ata a rotonda, onde se tomará a circunvalación dirección Friol, rúa Santa Isabel ata enlazar coa Avenida de Lugo, á altura do colexio daráselle unha volta ao mesmo para entrar na meta.
A entrega de premios será sobre as 19:00 horas diante da casa consistorial. Haberá trofeo para os tres primeiros clasificados de cada categoría, agás os máis pequenos e tamén para o grupo dos atletas locais.
Os máis pequenos recibirán todos medalla conmemorativa e repartiranse camisetas para todos os participantes ademais dunha cesta de produtos típicos para os tres primeiros clasificados masculinos e os tres femininos da absoluta.
Esta celebración deportiva xa é característica do Concello de Friol, pois debido ao éxito das anteriores edicións e ao aumento de público e participantes en cada nova edición, o Concello de Friol, continuará involucrándose tanto económica como organizativamente para poder repetir cada ano probas deportivas de este tipo.
Esta nova edición da carreira popular súmase a outros acontecementos deportivos que o Concello de Friol organiza durante o transcurso de cada ano.
A inscrición está aberta ata o 18 de abril e esta pode facerse na web championchipnorte.com. Será gratuíta para as categorías de menores e terá un prezo de 3 euros para a absoluta.
![carreira popular de friol IX](https://terrachaxa.com/wp-content/uploads/thumbs/2023/03/carreira-popular-de-friol-IX-200x150.jpg)