Convocada a V edición do concurso de debuxo e poesía Avelino Díaz
![premio poesia debuxo avelino portada](https://terrachaxa.com/wp-content/uploads/2022/03/premio-poesia-debuxo-avelino-portada.jpg)
Os concellos de Meira e Riotorto veñen de convocar a quinta edición do Certame de Debuxo e Poesía Avelino Díaz, aberta a toda a poboación e co obxectivo de loubar a figura deste representante da cultura na zona.
O concurso dividirase en catro categorías de idade, de 3 a 8 anos, de 9 a 12, de 13 a 17 e de 18 en adiante. Os máis pequenos só terán categoría de debuxo e os demais só na de poesía.
No apartado de debuxo, poderán presentarse obras en formato e temática libre, mais os poemas deberán estar escritos en galego, cunha extensión mínima de oito versos e unha máxima de 80, con Arial 12pt.
O prazo de presentación é ata o 17 de maio e o lugar de recollida de traballos é a Asociación Avelino Díaz de Meira. Establécense tres gañadores en cada categoríal. Para os máis pequenos os agasallos serán de diplomas, lotes de material escolar ou libros. O gañador na categoría de 9 a 12 anos recibirá un libro electrónico, o seguinte unha tablet e os adultos terán un premio económico. 300 para o gañador, 200 para o segundo e 100 para o terceiro.
O fallo do xurado darase a coñecer o 30 de maio e a entrega de premios será o 11 de xuño, no salón de plenos do Concello de Meira, ás 19.00 horas.