Convocada unha obra de teatro este venres en Riotorto

Trátase da representación teatral da obra 'Trato a cegas', a cargo do grupo Pico do Castro

O Concello de Riotorto anuncia unha nova cita cultural coa representación teatral da obra Trato a cegas, a cargo do grupo Pico do Castro. A función terá lugar o venres 21 de novembro, ás 22:00 horas, no Centro Sociocultural do municipio.

Trátase dunha obra orixinal de Eugenio Charltón e Manoel Sánchez con Juan José Vilarino Calvelo e José Ramón Villarino Neira no reparto.

A iniciativa enmárcase na programación cultural local e ofrece unha oportunidade para gozar do teatro afeccionado, nun espazo de encontro para a veciñanza e persoas interesadas na actividade escénica.

O Concello de Riotorto, organizador do evento, anima a participar nesta proposta cultural pensada para todos os públicos.