Convocadas para a fin de semana as festas de San Cosme da Montaña, Galgao

Haberá servizo de comida con polbo, churrasco, empanada, chourizo e xamón cocido, entre outros pratos

San Cosme da Montaña de Galgao, en Abadín, acolle esta fin de semana a súa tradicional romaría, na que teñen especial relevancia os actos relixiosos.

Haberá misas ás 10.00, 11.30, 13.00 e 17.00 horas. Culminará cunha procesión á que seguirá a tradicional sesión vermú, ás 14.30 horas, que estará amenizada polo dúo D'Kriss. Haberá servizo de comida con polbo, churrasco, empanada, chourizo e xamón cocido, entre outros pratos. Pola noite está prevista a verbena, onde repetirá D'Kriss xunto a DJ Peabody.

As festas continuarán o domingo, na honra á virxe do Rosario. Haberá misa ás 13.30 horas con procesión e o apartado musical estará a cargo do dúo Stylo en sesión vermú prolongada.