Convocan a III Baixada de carrilanas en Meira para o 17 de xuño
![baixada carrilanas meira portad](https://terrachaxa.com/wp-content/uploads/2023/05/baixada-carrilanas-meira-portad.jpg)
A Asociación de carrilanas Os Meiregos presentou xa o seu cartel para a cita deste ano, a que sería a III Baixada Vila de Meira e que ten como data de celebración o 17 de xuño.
A inscrición para este evento xa está aberta e ten como data límite o 14 de este mes. Como sempre, esta pode facerse a través da web e das redes sociais da federación de deportes de inercia ou as redes sociais da asociación organizadora.
A proba dará comezo ás 16.30 horas pero durante toda a mañá haberá verificacións e adestramentos. Os remontes están previstos para as 14.30 horas e haberá ás 13.00 horas unhs petiscos para os participantes.
O percorrido de Meira, de preto de tres quilómetros, arrincará xunto aos eólicos para pasar polo Pedregal de Irimia e finalizar na aula da natureza, cunha pendente do 12%.
![baixada carrilanas meira](https://terrachaxa.com/wp-content/uploads/thumbs/2023/05/baixada-carrilanas-meira-200x280.jpg)