Convocan a terceira etapa da peregrinación a Santiago dende Xermade para o 7
O Concello de Xermade, con motivo da celebración do Xacobeo 2022, continúa coa ruta a pé desde Xermade ata Santiago de Compostela en distintas etapas.
A terceira, de Sobrado a Arzúa terá lugar o día 7 de maio para continuar a O Pino o día 21 do mesmo mes.
A ruta rematará coa quinta etapa dende O Pino a Santiago o día 4 de xuño.
A saída será todos os sábados ás 8.00 diante do Concello. Haberá autobús gratuíto desde Xermade ata o comezo da etapa, así como de regreso ao remate de cada xornada.
As inscricións están xa en marcha no 982 50 10 02 (ata dous días antes do comezo de cada etapa), que terán un aforo limitado.
Informa sobre esta actividade Lucía, no 678 744 178.
Cada persoa levará a súa comida para xantar ó finalizar a etapa. Mentres camiñamos contaremos con: transporte de apoio, auga e caixa de primeiros auxilios proporcionados polo concello.