Convocan na Casa das Insuas unha nova xornada sobre poda e plantación de vimbio

Será o sábado 25 de xaneiro en horario de mañá e a inscrición está aberta

O próximo sábado, 25 de xaneiro, celebrarase na Casa das Insuas unha xornada formativa sobre poda e plantación de vimbio, impartida por Idoia Cuesta. O evento desenvolverase en horario de 10:30 a 14:00 e está organizado pola Asociación Galega de Custodia do Territorio en colaboración co Concello de Rábade.

Esta actividade está aberta a todas as persoas interesadas en coñecer as técnicas de cultivo e poda deste material tradicional, fundamental para a cestería e outras artes manuais. Para participar, é necesaria a inscrición previa, que se pode realizar enviando un correo electrónico a casadasinsuas@gmail.com.