Convocan para o venres un obradoiro de Nadal en Abadín

Está dirixido a menores de 7 anos e terá lugar no pavillón municipal

O vindeiro venres 29 de novembro, de 17:00 a 20:00 horas, celebrarase no pavillón municipal de Abadín un Obradoiro sostible de Nadal, dirixido a nenos e adultos. Os menores de 7 anos deberán asistir acompañados dun adulto.

Neste obradoiro, os participantes poderán aprender a crear decoracións de Nadal utilizando materiais sostibles, promovendo así un enfoque respectuoso co medio ambiente e fomentando a creatividade en familia. As prazas son limitadas, priorizándose os socios e a orde de inscrición.

Para inscribirse hai que chamar aos teléfonos 630 52 87 42 e 650 13 09 81.

Este evento está organizado pola asociación Afouteza de Abadín coa colaboración do Concello e Ambigal 360.