Convocan un obradoiro de enxertado en arbores froiteiras na Casa das Insuas
A Casa das Insuas acollerá o sábado 15 de febreiro, un obradoiro práctico de enxertado en árbores froiteiras. A actividade desenvolverase en horario de 10:00 a 14:00 horas e está dirixida a todas aquelas persoas interesadas en aprender esta técnica de reprodución vexetativa.
Os asistentes terán a oportunidade de levar para casa unha planta enxertada, como parte do obradoiro. Para participar, é necesario inscribirse previamente a través do correo electrónico casadasinsuas@gmail.com.
A actividade está organizada pola Asociación Galega de Custodia do Territorio e a Casa das Insuas, coa colaboración do Concello de Rábade, que financia a iniciativa. Non perdas a ocasión de aprender máis sobre as técnicas de cultivo e desfrutar dunha mañá dedicada ao medio ambiente e á conservación da biodiversidade.