Cortan a estrada de Becín a Mariz en Guitiriz por un afundimento
TerraChaXa
O Concello de Guitiriz cortou o tráfico rodado nos dous sentidos de circulación na estrada que vai de Becín a Mariz por afundimento.
28 Out 2022
O Concello de Guitiriz cortou o tráfico rodado nos dous sentidos de circulación na estrada que vai de Becín a Mariz, entre os núcleos de Abelendro e Montemeá, en Guitiriz.
Só se permite o paso de turismos e non poden circular vehículos de máis de 3.500 quilogramos polo risco que hai de que aumento o afundimento.
O motivo é porque afundiu parcialmente unha canalización que cruza a vía e a situación que xera pon en perigo o paso por este lugar.
A vía estará pechada ata que se levan a cabo os arranxos necesarios, xa que esta vía estaba dentro dun plan de mellora.