Cortan por obras a rúa Emigración de Vilalba e as próximas á praza da Constitución
TerraChaXa
Non terán tráfico o luns e o martes para que as tarefas se desenvolvan sen incidencias
![obras-rua-emigracion-e-praza-da-constitucion](https://terrachaxa.com/wp-content/uploads/2024/06/obras-rua-emigracion-e-praza-da-constitucion.jpg)
As zonas afectadas polos cortes
30 Xuño 2024
Este luns, 1 de xullo, e martes, 2 de xullo, a rúa da Emigración e as rúas da contorna da praza da Constitución de Vilalba permanecerán pechadas ao tráfico rodado por mor das obras de rexeneración do firme que se levarán a cabo.
Ás 8.00 horas do luns comezarán os traballos que obrigarán a pechar as rúas ao tráfico e a retirar todos os vehículos estacionados antes das 7.00, para que as tarefas se desenvolvan sen incidencias.
En concreto, as rúas cortadas serán rúa da Emigración, dende a praza da Constitución ata a intersección coa rúa Luis González Valdesuso. Tamén se cortan as travesías que unen a praza Suso Gayoso coa rúa José María Chao Ledo e a que va de rúa José María Chao Ledo a rúa Novo Cazón.