Cospeito celebrou a XXXVI Feira do Porco da Ceba con premios aos mellores exemplares
A XXXVI Feira do Porco da Ceba tivo lugar en Cospeito e mantivo a programación habitual desta celebración con fonda tradición no municipio, que incluíu numerosas actividades complementarias na Feira do Monte.
A xornada desenvolveuse na praza da feira, baixo unha carpa preparada expresamente para o evento, onde se entregaron premios aos exemplares máis destacados e se ofreceu un agasallo a cada gandeiro participante.
Entre o público asistente sorteouse unha cesta de Nadal, mentres que a partir das 10.00 horas houbo unha degustación aberta de produtos típicos do porco, un dos reclamos máis esperados da feira.
O primeiro premio foi para o gandeiro Luis Prado Peña, de Santalla; o segundo recaeu en Mónica Albariño Gil, da Feira do Monte; e o terceiro foi para María Josefa Basanta Mel, de Graña. O cuarto premio correspondeu a María Albariño Lago, de Goa; o quinto a Manuel García López; o sexto a Sabela Capón García, do Corgo; e o sétimo foi para José Luis Val, de Preveso.