Cospeito organiza a segunda carreira popular
O Concello de Cospeito celebrará o día 6 de maio a segunda edición da Carreira Popular que tivo a súa primeira edición o ano anterior á pandemia e que non se fixo neste tempo.
A II Carreira Popular de Cospeito está organizada polo Concello coa colaboración da Federación Galega de Atletismo, de la Xunta de Galicia.
O prazo de inscricións aínda está aberto ata o xoves 4 e os interesados poden anotarse nesta cita en www.carreirasgalegas.com. Haberá unha proba absoluta, cuxo circuíto de 14 quilómetros arrincará ás 11.00 horas de Muimenta e levará aos participantes ata a capitalidade municipal de Feira do Monte, onde se instalará a meta.
Os máis pequenos completarán diferentes percorridos en Feira do Monte, a partir das 12.30 horas.
Haberá servizo de bus a Muimenta para o inicio da carreira.
