Cospeito organiza unha carreira popular con fins solidarios
![Captura de pantalla 2019 04 22 a las 17.38.30](https://terrachaxa.com/wp-content/uploads/2019/04/Captura-de-pantalla-2019-04-22-a-las-17.38.30.png)
O Concello de Cospeito celebrará o día 5 de maio unha carreira popular que leva o nome de Concello de Cospeito e que terá un fin solidario xa que o recadado irá para a Asociación Española Contra o Cancro.
A I Carreira Popular de Cospeito está organizada polo Concello coa colaboración da Federación Galega de Atletismo, de la Xunta de Galicia e de varios patrocinadores, como a SD Muimenta, CF Cospeito, BTT Lagoa de Cospeito, Game Sport, Panadería Rozas, Facenda Farruquiño, Autocares Darriba e Autocares Suso Vigo.
O prazo de inscricións xa está aberto e os interesados poden anotarse nesta cita en www.carreirasgalegas.com ata o día 2. Haberá unha proba absoluta, cuxo circuíto de 14 quilómetros arrincará ás 11.00 horas de Muimenta e levará aos participantes ata a capitalidade municipal de Feira do Monte, onde se instalará a meta.
Os máis pequenos completarán diferentes percorridos desde a Lagoa de Cospeito e ata a casa consistorial, a partir das 12.30 horas.
Para achegar aos máis novos do municipio a este deporte e animalos a participar na proba, o Concello programou charlas polos centros educativos cun preparador Nacional de atletismo.
![carte Carreira800](https://terrachaxa.com/wp-content/uploads/thumbs/2019/04/carte-Carreira800-200x293.jpg)