Cova da Serpe organiza unha quedada nocturna de ciclistas
![82961392_2543822549171102_4958507110070484992_n](https://terrachaxa.com/wp-content/uploads/2020/01/82961392_2543822549171102_4958507110070484992_n.jpg)
O grupo Btteiros Cova da Serpe organiza unha quedada nocturna por Sobrado que terá lugar o día 8 de febreiro coincidindo co plenilunio
A saída será ás 18.30h. do Polideportivo e a chegada está prevista sobre as 22.00h ao mesmo lugar. a ruta vai ser circular duns 30 quilómetros e trancurrirá pola zona do Bocelo entre Sobrado e Toques.
Ás dúas horas de ruta, farase unha pequena parada na taberna de Brañas en Toques "para que cada un se avitualle a súa maneira", como din os organizadores. Volverán dirección Pena Moura por Forno dos Mouros, lugar onde se fará o descenso ata o punto de saída. Á chegada ó Polideportivo, haberá duchas e lavado de bicis.
Despois da Ruta e para o que queira, farase unha laconada de pretemporada no Bar Real á cal pódese levar invitados. O prezo do menú é de 20 euros para os maiores e 10 para os nenos e inclúe as bebidas antes de entrar a cear acompañadas duns pinchos de empanada e croquetas.
É necesario confirmar asistencia a cea antes do día 2.
A organización lembra que hai que levar foco e roupa de alta visibilidade. Foi deseñada para todos os públicos.