Curso sobre o solo pélvico na Escola Habanera de Guitiriz

As inscricións estarán abertas ata o 7 de abril e poderán realizarse a través dos Servizos Sociais de Guitiriz

O vindeiro martes 8 de abril, a Escola Habanera de Guitiriz acollerá un curso sobre o solo pélvico, unha formación impartida por Paula Sánchez, matrona do CHUAC. O curso comezará ás 16:00 horas e está dirixido a todas aquelas persoas interesadas en coñecer máis sobre esta parte fundamental da saúde.

As inscricións estarán abertas ata o 7 de abril e poderán realizarse a través dos Servizos Sociais de Guitiriz, chamando ao 982 370 109. O número de prazas está limitado a 20 participantes.

A iniciativa está organizada polo Concello de Guitiriz en colaboración coa Escola Galega de Saúde para Cidadáns, dentro do seu compromiso coa promoción do benestar e a educación sanitaria.