Damil acollerá este sábado unha sesión de Bingo pola tarde
A localidade de Damil, en Begonte, celebrará o este sábado, 27 de decembro, un Gran Bingo de Nadal que promete converterse nunha cita festiva e de convivencia para toda a veciñanza. A actividade terá lugar na escola da parroquia a partir das 18:30 horas e está pensada como unha xornada para compartir, divertirse e gozar do ambiente propio destas datas.
O evento contará con varias partidas de bingo con premios especiais, ademais de música, pinchos e outras sorpresas preparadas pola organización para animar a tarde e a noite. A proposta busca combinar o lecer coa participación social, creando un espazo de encontro no que non falte o bo humor nin a celebración colectiva.
Desde a organización animan a todas as persoas da contorna a achegarse á escola de Damil e participar nesta iniciativa, que se suma á programación de Nadal da parroquia e pretende reforzar os lazos veciñais cunha actividade aberta e pensada para todos os públicos.