Damil, en Begonte, estará de festa o 30 e o 31

O domingo pola tarde, haberá xogos tradicionais e, os Adrianos, serán os encargados de poñer fin ás festas, a partir das 20.00 horas

A parroquia de Damil, en Begonte, celebra as súas festas na honra a San Salvador a fin de semana do 30 e o 31 de agosto.

O sábado, a xornada dará comezo ás 13.00 horas, cunha misa solemne, procesión e sesión vermú con Supertop, que volverá a actuar na verbena da noite, xunto á discomóvil Patakiña. A partir das 18.00 horas, haberá xogos para os máis pequenos.

O domingo, o oficio relixioso será á mesma hora e, logo dunha sesión vermú amenizada polos Adrianos, terá lugar a XIV Descarga Pirotécnica, a cargo de Pirotécnicos Astariz.

Pola tarde, haberá xogos tradicionais e, os Adrianos, serán os encargados de poñer fin ás festas, a partir das 20.00 horas.