Deceas de colectivos recibirán achegas da Deputación para a promoción da artesanía
![72860061_137113744345004_6088251283225968640_o](https://terrachaxa.com/wp-content/uploads/2019/10/72860061_137113744345004_6088251283225968640_o-e1571307626293.jpg)
Trinta e oito asociacións e entidades sen ánimo de lucro benefícianse das axudas á realización de actividades de promoción da artesanía, que concede o Centrad. Viveiro, Burela e Riotorto son algúns dos concellos beneficiados.
Os colectivos recibirán un importe total de 44.000 euros para financiar cursos e eventos de promoción e difusión da artesanía, en función das solicitudes que realizaron na convocatoria das achegas.
As súas accións desenvolveranse en distintas disciplinas artesanais, desde a cestería, o coiro, a xoiería, o torneado de madeira ou o encaixe ata ao felgrado de lá. As entidades beneficiarias repartense por concellos de toda a provincia: Lugo, Begonte, Chantada, Outeiro de Rei, Viveiro, As Nogais, Vilalba, Ribeira de Piquín, Burela, Riotorto, Samos, Xermade, Becerreá, Sober, Castro de Rei, Pol, Guitiriz, Cospeito, Sarria, Xermade e A Pastoriza.
Ademais de considerarse a calidade e o interese do proxecto desde o punto de vista da promoción da artesanía, patrimonial e etnográfico, nos parámetros para a concesión das achegas, en réxime de concorrencia competitiva, figuran criterios sociais.
Así, primáronse actividades que fomenten a igualdade de xénero, a integración de persoas con capacidades diferentes ou os valores interxeneracionais. Tamén se valorou con puntuación adicional as solicitudes de entidades de concellos con menos de 2.001 habitantes.