Depedro presenta o seu álbum 'Un lugar perfecto' en un concerto acústico nas Pontes
O próximo 3 de outubro, o músico Jairo Zavala, máis coñecido como Depedro, actuará no Auditorio Municipal Cinema Alovi das Pontes a partir das 20:30 horas nun concerto moi especial.
Nesta ocasión, o artista presentará o seu máis recente traballo, “Un lugar perfecto”, nun formato acústico que permitirá ao público gozar dunha experiencia única e emocional.
No seu sétimo álbum de estudio, Depedro explora unha xeografía folclórica e emotiva, profundando na esencia humana a través da memoria, o amor e a esperanza.
Tal como sinala o propio músico, 'Un lugar perfecto' é ese “lugar emocional ao que tentamos chegar”, un espazo no que o camiño ten tanta importancia como o destino.
Este proxecto invita a vivir a vida como peregrinos e non como simples espectadores, promovendo a reflexión e a reconexión co esencial nun mundo cada vez máis acelerado e afastado.
O concerto en acústico ofrecerá unha posta en escena depurada que resaltará a intensidade das letras e as melodías, achegando o universo musical de Depedro ao corazón do público.