Deron inicio os traballos previos para a construcción da nova residencia e centro de día da Pastoriza
A empresa Canilesa comezou os traballos previos para a execución do proxecto de construción dunha residencia e centro de día na Pastoriza.
Estes traballos consisten no estudo xeotécnico do subsolo dunha obra na que colaboran Xunta e Concello. De feito, o xerente do Consorcio Galego de Servizos de Igualdade e Benestar, Perfecto Rodríguez, asinou co alcalde, Darío Cabaneiro, un convenio por importe de 18.000 euros para financiar a redacción do proxecto deste equipamento, que será de titularidade municipal.
Este centro disporá de 56 prazas, 40 de centro de día e 16 residenciais. A colaboración da Administración autonómica responde ao compromiso asumido pola Consellería de Política Social e Igualdade co alcalde, cando este presentou o proxecto en novembro do ano pasado.