Axenda

A cita comezará ás 16.30 horas na praza Maior da localidade coa Esfolla do Millo, actividade a cargo da Asociación Cultural Avelino Díaz

O colectivo Eme de Meira organiza o seu propio magosto o sábado 1 de novembro con reparto de castañas asadas durante toda a tarde. A cita comezará ás 16.30 horas na praza Maior da localidade coa Esfolla do Millo, actividade a cargo da Asociación Cultural Avelino Díaz.

Esta desenvolverase ata as 18.00 horas no paseo central, con premios para a cativada que atope o rei e a raíña. Durante a esfolle haberá degustación de viño quente con azucre e roscas.

O evento contará coa actuación de Pakolas ás 18.00 horas, que presentará o seu espectáculo As máis molonas; e do grupo de cantareiras D'Xanares, ás 19.00 horas. Este grupo formouse na Asociación Airiños de Orbazai.