Emilio Costa incorpórase á Corporación de Meira polo PP trala saída de Enrique Castro
Emilio Costa, veciño de Seixosmil, incorporase como concelleiro do PP no Concello de Meira nesta segunda metade do actual mandato na que o Grupo Municipal Popular “seguirá traballando dende a responsabilidade polo impulso de Meira e os servizos aos nosos veciños e veciñas”.
O presidente do PP de Meira e portavoz municipal, Óscar Fernández, dálle a benvida ao novo concelleiro “por asumir esta responsabilidade” e destaca que “é unha persoa moi implicada co Partido e, sobre todo, moi implicada coas necesidades e demandas dos veciños e veciñas da parroquia de Seixosmil”.
Costa, que integrará o Grupo Municipal Popular de Meira xunto ao portavoz e a concelleira Sonia Folgueira, manifestou as súas “ganas” e “disposición” para traballar por Meira.
Veciño de Seixosmil e nº4 da candidatura do PP en Meira, substitúe a Enrique Castro que vén de presentar a súa renuncia como edil da corporación municipal por “motivos persoais”.
Fernández ten palabras de agradecemento a Castro polo seu “traballo e apoio” nunha candidatura “con ganas de impulsar Meira ante o desgoberno do alcalde socialista e o seu equipo”.